Tindero

Kuya, maraming salamat.

 

Sa pagbebenta sa akin ng limang kilong pagmamahal,

Samahan mo na ng siyam na kaban na pang-unawa.

Sa walong taon mong pagtitiis sa ugali kong hindi malaman,

Na ang taging reklamo lang ay, “ang tagal mo naman”.

 

Maraming salamat sa benta mong betadine na panghilom sa sakit.

Alam mo kasing makulit ako, na sa huli alam mong sayo ako lumalapit.

Dagdagan mo pa ng band-aid na pang protekta,

Panangga sa mikrobyo at mga nangmamata.

 

Sa oras na uhaw na uhaw ako sa pag-intindi ng mundo,

Lagi kang nandyan para bigyan ako ng isang litro.

Isang litro ng matamis na yakap at pagintindi,

Na pumapawi sa aking luha at pighati.

 

Salamat din sa tingi tingi mong pasensya,

Na kahit nauubos ko ay marami ka pa ding reserba.

Kahit mahigit isang taon akong hindi lumapit

Nandyan ka pa din, nagbabantay sa akin.

 

Sino kaya yung supplier mo at sobrang dami ng binebenta mo.

Mga panindang pumapawi sa puso kong pinagod ng mundo.

Sa totoo lang ang taas ng presyo ng mga paninda mo.

Sa sobrang taas, napamahal na ko sayo.

 

Ngayon hindi na ko takot magbigay ng buo,

Dahil alam kong susuklian mo ito ng totoo.

May libre pang bente syeteng kapeng matapang,

Para ipaalala na kaya mo akong ipaglaban.

Kapit lang friend.

Ang mga tao ngayon masyadong mapanghusga, hindi ibig sabihin na pag sinabi nilang gusto nilang gawin yung isang bagay, ibig sabihin PERPEKTO na agad ang kakalabasan.

Sa sobrang kagustuhan nila ng isang bagay, binibigyan sila ng maraming problema. Bumabagsak, Umuulit ng subject, nagkakaroon ng problema sa prof, di magkaroon ng trabaho, atbp. Kung kayo nakikita nyo silang mahina, ako hindi.

Isipin nyo, kung mahina talaga sila, bakit pa nila pinagpipilitan yung sarili nila sa isang bagay na ibinagsak sila ng buhay? Pwede naman silang lumipat, pero bakit pa nila pinagsisiksikan yung sarili nila? KASI GUSTO NILA. Parang isang batang gustong gustong kumain ng paborito nyang chocolate.

Imbis na tulungan, kung anu-ano pang sinasabi. Pero kung sabagay, sa mga teleserye nga at pelikula madaming chismosa. Sila yung nagpapa-ikot ng storya na nagdadala sa bida sa kanyang pangarap.

Kaya goodluck sa mga chismosa, at ako sayo kaibigan, KAPIT LANG. 🙂